吵架的四個注意
今天上 RP 堂 (婚姻及家庭倫理) Dr. Yip 引歐尼爾 (Nena & George O’Neill)《開放的婚姻》(Open Marriage: A New Life Style for Couples)其中一段講，覺得很有意思，便放上來給大家分享分享：
- 嗌交唔係為左贏
其實嗌既目的最終目的係要了解問題，而唔係要對方屈服。假使對方洞悉你其實只係想贏，就會不認真對待吵架一事，最後只會決裂收場。 - 嘈既時候要尊重對方感受
講白 D，即係唔好落佢面。當你落佢面，唔尊重佢，將佢既秘密一一抖出黎，你試下係佢你會覺得點丫？呢個朋友咁樣處置你既秘密，仲值唔值得同佢做朋友？ - 唔好翻舊賬，拎埋其他野一齊講
唔止你識翻舊賬，佢都識架。結果兩毎個人互數不是，不能協助解決問題之餘，重會火上加油，傷害大家既感情。 - 唔好侮辱對方
通常人地唔係好鍾意俾人揭瘡疤既，你話佢又肥又矮又醜樣，佢一樣識話你既0者，兩個火都黎0個陣就點拉都拉唔番埋啦。
同講道理唔同，建設性既嗌交可以俾你更加認清同了解對方，好似知道佢既底線呀，又或者佢對你直率而坦白既睇法咁，對一段關係都算係有好處既～
