爭櫈仔

(抱歉,這篇帶點粵語)

曾德成係講錯野定適當既個人抒發就無謂提,反正咁講盞害左自己。諗下上莊0個陣你同班前莊/上莊/代表會話佢地「忽然關心」學會事務吖拿,呢 D 白痴野真係自己0係屋企對住人地幅相講好喇,連累其他同事就無謂啦。

不過我想講另一樣同日發生既事。話說陳太取代馬力個位,自自然然繼承埋馬力個位啦。但馬力位置深入民建聯腹地之中,左邊係劉江華,右邊係曾鈺成,兩位都係重份量人物,俾陳太坐0係中間的話,佢地之間咩對話都聽到晒?所以曾生就開聲問,可唔可以掉位喇。

陳太可能諗下要就你掉位不如又就下大家吖,就想同是民建聯,但位置接近出入通道既蔡素玉掉位,心諗同是民建聯應該冇關係啩?點知蔡素玉 say no 喎,話唔方便。咁就惹起左好多外界人士(包括我同我爸同我媽)既揣測,究竟蔡素玉係咪唔妥曾生同劉生吖拿?咁要問返佢地先知了。不過第二日既報章好多都有講今次「爭櫈仔」,唯獨冇提到蔡素玉唔肯讓位一事。既然小事都寫左出黎,蔡素玉唔肯都寫埋落去嘛,講到陳太好似硬佔咁。

個人抒發完畢,瞓覺。

Leave a Reply

Your email address will not be published. Required fields are marked *